Զատկական տոնակատարություն Մալիշկայի Ս. Աննա եկեղեցում

Քրիստոս յարեաւ ի մեռելոց.

Օրհնեալ է Յարութիւնն Քրիստոսի

Ս. Հարության տոնի օրը Մալիշկա համայնքի Ս. Աննա եկեղեցում Եղեգնաձորի տարածաշրջանի հոգևոր հովիվ Արժանապատիվ Տ. Վազգեն քահանա Հովհաննիսյանը կատարեց Զատկի տոնին նվիրված արարողություններ:

Տեր Հայրն օրհնեց զատկական հավկիթները, ապա հավուր պատշաճի քարոզ խոսեց:

Տեր Վազգենը ներկայացրեց Սուրբ Հարության տոնի խորհուրդը, ապա  բոլորի անունից իր շնորհակալությունը հայտնեց եկեղեցու այս տարվա խաչքավոր Արսեն Մաթևոսյանին և նախորդ տարիների խաչքավորներին՝ եկեղեցական արարողություններին աջակցելու համար, ինչպես նաև շնորհավորեց եկեղեցու բարերար Արա Արշավիրի Աբրահամյանին ծննդյան օրվա առիթով՝ մաղթելով, որ նրա բոլոր ազգանվեր և եկեղեցաշեն ծրագրերն Ամենակալ Աստված ի կատար ածի:

Արարողությանը ներկա էին եկեղեցու այս տարվա խաչքավոր Արսեն Մաթևոսյանը, նախորդ տարիների խաչքավորներ Սամվել Սարգսյանը և Արմեն Մաթևոսյանը:

Ս. Աննա եկեղեցին լեփ–լեցուն էր բազմաթիվ փոքրիկներով, աշակերտներով և համայնքի բնակիչներով, ինչը շատ ողջունելի էր:

Արարողության ավարտին ներկաներին բաժանվեցին այս տարվա խաչքավորի

Ս. Հարության տոնը Ջերմուկի Ս. Գայանե եկեղեցում և Նորավանքում

Ջերմուկի Սուրբ Գայանե եկեղեցում նշվեց Սուրբ Զատկի՝ Քրիստոսի Հարության տոնը:

Տոնի օրը եկեղեցում մատուցվեց Ս. Պատարագ, որին ներկա էին բազմաթիվ հավատացյալներ:

Օրվա պատարագիչն էր Ջերմուկի տարածաշրջանի հոգևոր հովիվ Տ. Գալուստ քահանա Սահակյանը:

Ջերմուկի Սուրբ Գայանե եկեղեցում մատուցվող Սուրբ Պատարագին մասնակցող հավատացյալներին ու քրիստոնյա մարդկանց Քրիստոսի Սուրբ Հարության տոնի առթիվ իր պատգամն էր հղել Ամենայն Հայոց Կաթողիկոս Ն.Ս.Օ.Տ.Տ. Գարեգին Բ-ն, որն ընթերցեց Արժանապատիվ Տեր Հայրը:

Հավարտ Ս. Պատարագի տեղի ունեցավ Անդաստանի արարողություն, ապա օրհնվեցին Զատկական հավկիթները և բաժանվեցին ներկաներին: 

 

Զատկական արարողություն Նորավանքում

ՍՈՒՐԲ ԶԱՏԿԻ ՏՈՆԸ ՎԱՅՔԻ ՍՈՒՐԲ ՏՐԴԱՏ ԵԿԵՂԵՑՈՒՄ

Հիսուս Քրիստոսի հրաշափառ Սուրբ Հարության տոնի առիթով Վայքի Ս. Տրդատ եկեղեցում մատուցվեց Ս.Պատարագ:

Պատարագիչն էր Վայքի տարածաշրջանի հոգևոր հովիվ Արժանապատիվ Տ. Սեպուհ քահանա Հարությունյանը, ով ընթերցեց Ն.Ս.Օ.Տ.Տ. Գարեգին Բ Ամենայն Հայոց Կաթողիկոս և Ծայրագույն Պատրիարքի օրհնությունը և Հարության տոնի Հայրապետական Պատգամը:

Ս. Տրդատ եկեղեցին լեցուն էր բազմաթիվ հավատացյալներով, ովքեր եկել էին մասնակցելու Ս. Հարության տոնի արարողություններին:

Հավարտ Ս. Պատարագի տեղի ունեցավ Անդաստանի արարողություն, ապա օրհնվեցին զատկական հավկիթները:

Այնուհետև եկեղեցում իրենց գեղեցիկ ելույթներով հանդես եկան Զառիթափ համայնքի մանկապարտեզի սաները, ովքեր  առաջին անգամ էին եկեղեցում և կարողացան վայելել հրաշափառ Հարության տոնը:

Սուրբ Հարության տոնը Եղեգնաձորի առաջնորդանիստ Ս. Աստվածածին եկեղեցում

Այսօր` ապրիլի 16-ին՝ Հիսուս Քրիստոսի հրաշափառ Սուրբ Հարության տոնի օրը, Վայոց ձորի թեմի գործող բոլոր եկեղեցիներում մատուցվեցին Հարության Սուրբ և Անմահ Պատարագներ:

Տոնի առիթով Եղեգնաձորի առաջնորդանիստ Ս. Աստվածածին եկեղեցում, հանդիսապետությամբ Վայոց ձորի թեմի Առաջնորդ Տ. Աբրահամ արքեպիսկոպոս Մկրտչյանի, մատուցվեց Հարության Ս. Պատարագ, որին ներկա էին ՀՀ Վայոց ձորի մարզպետ Հարություն Սարգսյանը, Եղեգնաձորի քաղաքապետ Դավիթ Հարությունյանը, Ս. Աստվածածին եկեղեցու այս տարվա խաչքավոր Հայկ Կարապետյանը, Մալիշկայի Ս. Աննա եկեղեցու այս տարվա խաչքավոր Արսեն Մաթևոսյանը, Ս. Աննա եկեղեցու նախորդ տարիների խաչքավորներ Սամվել Սարգսյանը, Արմեն Մաթևոսյանը:

Լեփ-լեցուն էր Ս. Աստվածածին եկեղեցին հավատացյալներով, ովքեր եկել էին մասնակցելու Զատկի տոնին նվիրված արարողություններին:

Պատարագիչն էր Վայոց ձորի թեմի փոխառաջնորդ Տ. Զարեհ վարդապետ Կաբաղյանը, ով ընթերցեց Ն.Ս.Օ.Տ.Տ. Գարեգին Բ Ամենայն Հայոց Կաթողիկոս և ԾայրագույնՊատրիարքի օրհնությունը և Հարության տոնի Հայրապետական Պատգամը:

Հավարտ Ս. Պատարագի տեղի ունեցավ Անդաստանի արարողություն, ապա օրհնվեցին Զատկական հավկիթները և բաժանվեցին ներկաներին:

Այնուհետև եկեղեցու բակում Վայոց ձորի թեմի Երիտասարդաց միության, Մայր Աթոռ Ս. Էջմիածնի Եղեգնաձորի տարածաշրջանի Քրիտոնեական դաստիարակության կենտրոնի   և Եղեգնաձորի ՔԵԿ-ի նախաձեռնությամբ տեղի ունեցավ Զատկի տոնին նվիրված մեծ տոնախմբություն:

Տոնակատարության ընթացքում տեղի ունեցավ ածիկների ցուցահանդես-մրցույթ, որին մասնակցում էին Եղեգնաձորի թիվ 1 (ՀԵՊ ուսուցիչներ՝ Ե. Բայաթյան, Ն. Գրիգորյան), Աղավնաձորի (ՀԵՊ ուսուցիչ՝ Ա. Մանուկյան), Ագարակաձորի (ՀԵՊ ուսուցիչ՝ Տ. Մարդոյան), Հերմոնի (ՀԵՊ ուսուցիչ՝ Օ. Վարդանյան) և Արտաբույնքի միջն. դպրոցների (ՀԵՊ ուսուցիչ՝ Կ. Վարդանյան) աշակերտները։

Հոգևոր հայրերը, մարզպետը, քաղաքապետը և